La Presidéncia
Per sostenir la cooperacion transpirenenca al còr de la CTP, cada entitat membre menarà sa Presidéncia, en la Persona de son President, cadun son torn, e per una durada de dos ans.

Lo ròtle de la Presidéncia es de representar la CTP e de definir, en partenariat amb totis los membres, las orientacions politicas a donar a l’institucion pendent las 2 annadas de son mandat.

Per complir aquesta mission e assegurar l’animacion de la CTP, la presidéncia se dòta d’un Secretariat general.

Lo Secretariat general
Anima la CTP e prepara entre autras causas las reünions del Comitat de coordinacion e de l’Amassada Generala, seguís los trabalhs de las Comissions e la situacion financièra de la CTP.

Se compausa d’un Secretari General, nommat pel President en exercici, amb l’acòrd dels autris membres de la CTP.

La Presidéncia Navarra 2011-2013 Pel periòde 2011-2013, la Comunidad foral de Navarra assegura la Presidéncia de la CTP. President de la CTP : Yolanda Barcina Angulo (Presidente de la Comunidad foral de Navarra) Contactar lo President Secretari General : Arcaya Sánchez, Cristina Contactar la Secretària General

Una Amassada generala
Es l’organ de concertacion e de decision de l’institucion. Adòpta las orientacions politicas prepausadas per la presidéncia en exercici tanplan coma lo programa d’accions associat. Compausada de representants de cadun dels membres, se reünís annualament.

Un Comitat de Coordinacion (Conselh d’administracion)
Coordona e assegura l’aplicacion del programa d’accions de la presidéncia gràcias al sosten de las diferentas Comissions tematicas de la CTP.
 

Las Comissions Temùaticas

Son 4 e ajudan lo Comitat de coordinacion dins l’aplicacion del programa d’accions:

• Comission I: Infrastructuras e Comunicacions 
• Comission II: Formacion e Desvolipament tecnologic
• Comission III: Cultura, Joventut e Espòrt
• Comission IV: Desvolopament sostenible