Actualités

Lo refugi de Respumoso dubèrt tota l’annada!

25-02-2010

Aragon (Espanha)

Avís als caminaires que parten en virada dins los Pirenèus aragoneses: d’aquí endavant, lo refugi de Respumoso situat a 2 200 metres d’altitud, al còr del circ de Piedrafita (dins la val de Tena), demorarà dubèrt pendent lo quite periòde d’ivèrn. Amb una capacitat de 105 plaças, lo refugi, qu’èra tampat al public en ivèrn, per causa d’avalancas frequentas, foguèt equipat d’un para-avalanca que garantís la seguretat dels gardas e caminaires.

La Federacion aragonesa de montanha (FAM), proprietària dels locals, considèra que lo refugi “es un servici public e que cal que demòre dubèrt tota l’annada coma sosten logistic, punt d’informacion e de secors pels que van per la montanha”.
Respumoso es lo punt de partença de cap al GR 11, las lacas d’Arrièl e per pujar la Gran Facha, Infiernos o tanbens la Vathleitosa.

Siti Internet